cover

Time to Harvest

Bönkers

CD (2009)Musikkoperatørene

Kjøp fra: CDON | iTunes | Amazon MP3

Genre:
Rock

Stiler:
Country / Folk / Countryrock / West coast

Spor:
Dark Horse
Old Heart Aches
Flavorland
Second Coming
Blood on the Windshield
Time To Harvest
My Life's Song
Freedom Won
Journey to the Brink
Skin I Shed
Where Are You

Referanser:
Home Groan
teXum
The International Tussler Society
The Jayhawks
The Thorns
Crosby, Stills, Nash & Young
The Eagles

Vis flere data

(4 / 7) (4 / 7) (4 / 7) (4 / 7) (4 / 7) (4 / 7) (4 / 7)


Modna tonar

Countryfolkrockarane frå Oppdal er omsider tilbake. Litt modnare og lunare i steget. Men minst like gode på harmonisong.

Det vart fort veldig stille i Bönkersleiren. Dei kom i 1997. Med ein EP dei fekk velvillig omtale for heilt borte i No Depression-land. Sony fanga dei opp, og gav ut debutalbumet Opp. Det var i 1999. Albumet selde sine 3000 eksemplar. Og så høyrde vi ikkje meir frå dei.

Rykta dukka opp ved eit par høve. At det skulle vere nytt Bönkersstoff på veg. Utan at dei materialiserte seg i realitetar. Ikkje før no. Og etter lyden å dømme er det nesten som om tida har stått stille.

Nesten. For den ungdommelige friskleiken som hadde eit dugande tak i Opp er nok til ein viss grad blitt erstatta av ein noko modnare leik. Utan at det får ein til å tenke nedtur. Til det har Time to Harvest for mykje fint å by på.

Dei harmoniske krefter er framleis sterkt til stades, og låtskrivarevna rimelig intakt. Denne gongen med god hjelp av überaktive Martin Hagfors. Han har skrive teksten til ti av dei elleve låtane. Mot ein ved førre korsveg; Jessica Lange. Og nett ein slik liten friskus finn eg ikkje denne gongen. Men eg finn anna eg kan like.

Eg finn, ganske så fort, Dark Horse. Låta Hagfors ikkje har hatt noko med å gjere. Men som har ein countryrockskapnad slett ikkje ulik den Home Groan har. Om ein outsider, og eit vennskap tufta på lidenskapen for å føre musikktradisjonar vidare.

Eg finn Flavorland. Ei lita soge om "a twisted nightshift guy" Bygd opp kring dei gode vestkystharmoniar og nattlegg countryknekk.

Eg finn tittellåta. Ei oversetting til engelsk av eit dikt skrive av nordmøringen Hans Hyldbakk. Eit dikt Henning Sommero tidlegare har sett tone til og sunge saman med Vårsøg; E Slåttåtæja. Tonane Bönkers gjev desse orda har nok meir sams med Heartlandtonar frå andre sida av Atlanteren. Men det er godt dugande tonar, ser du. Orgeldriv får dei også med på ferda.

Eg finn My Life's Song. Ei semi-akustisk vise, der både mandolinen og trekkspelet kjem til sin rett. Ein kortversjon av eit liv. Eit liv som handla om å vente. Kanskje ikkje eit heilt lukkeleg liv. Men siste vers vert ikkje songe. Så kanskje likevel?

Og eg finn, heilt til slutt, Where Are You. Ein sår ballade med lengt i både rygg og bryst.

Eg høyrer Gaute O. Øien si tiltalande røyst. Ei sånn ei med lun twang, og varmande evner lik knusktørr bjørkeved. Og så høyrer eg harmonisong. Av amerikansk vestkystleg opphav. Tileigna, og framført i varleg lidenskapelige former. Bönkers kanskje fremste varemerke.

Eg finn og høyrer saker eg ikkje heilt synst om også. Eg skal ikkje dvele så mykje med det. Det er låtar som blir for identitetslause. Har eit litt mangelfullt dynamisk vesen. Skin I Shed er ein slik ein. Journey To the Brink blir ein slik ein, etter fjellfriske opningstakter. Medan Open Heart Aches ber litt for mykje preg av å skulle tilfredsstille folk som berre fer forbi. Dei treng ikkje tilfredsstillast.

Men først og fremst vil eg ynskje gjengen velkommen tilbake. Har ingenting imot om det tek noko mindre enn ti år til neste gong.

comments powered by Disqus

 



Siste anmeldelser

Artikler, nyheter


KRAMPE - eller hvordan en snarvei førte til at du gikk deg vill i skogen

Fortellingen om progressiv rock er fortellingen om en utvikling. Dens historikk har ingen egentlig begynnelse eller slutt., men heller er det en påpekelse av interne faser i en bestemt musikkstil.

Podium

Hovedsiden / Siste:

The Secondhand Emporium søke...
14.11.17 - 12:09

Veldig fint innlegg, takk 192.168.0.1...
08.11.17 - 10:05

Jeg er enig med...
08.11.17 - 10:04

> Registrer deg som forumbruker her.

Feedback


Jeg Vil Hjem Til Menneskene - Susanna Wallumrød
Konservativ?
(05.04.11)

Memories Of A Lifetime - Ole G. Nilssen
En fantastisk CD. Blir aldri lei av denne musikken!
(03.04.11)

The Agent That Shapes The Desert - Virus
Heilt ueinig
(29.03.11)

Groovissimo